اليوم عمري 34 سنة

أنا بنت، اليوم عمري 34 سنة

مرقت بظروف ما كانت سهلة أبداً، ظروف كانت أكبر من عمري، ووجعها ما بينحكى

في لحظات ضعفت، تعبت، وحسّيت إنو الطريق مسكّر

بس ولا مرّة سمحت لهالظروف تكسرني

كنت دايماً قوم من جديد

أقوى، وأوعى، ومؤمنة إنو في شي ناطرني لقدّام

بإيماني بربي، وبقوتي، وبإصراري

قدرت أتخطّى كل شي مرق عليّي، ووقفت عإجري لحالي، خطوة خطوة

ما استسلمت

لأنو نحنا ما تعلمنا نستسلم

تعلمنا إنو كل ضربة بالحياة، لازم تقوّينا… مش تكسرنا

وفي قصص كنت مفكّرة إنو رح تنهي حياتي

إنو ما بقى في بعدها طريق، ولا أمل

بس بالعكس، هيدي القصص كانت هي البداية

هي اللي قوّتني، ودفعتني كفّي، وخلّتني شوف الحياة من منظور أجمل

ضلّيت أسعى

أركض ورا هدفي، حتى لو الطريق كان صعب وطويل

واليوم، بالـ 2026

حقّقت حلمي، وبنيت الشركة اللي كنت شوفها بس بخيالي

أنا مرأة قوية

مش لأنو ما ضعفت

بس لأنو كل مرّة ضعفت فيها… رجعت أقوى

الظروف ما كسرتني

هي اللي صنعتني… وخلّتني عيش الحياة الحلوة اللي استاهلها